वीरगंज | निजी टेलिफोन सेवा प्रदायक निजी कम्पनी एनसेलले वीरगन्जको शीवा हस्पिटल गल्लीमा सञ्चालनमा ल्याएको एनसेल सेन्टरको बिहीबार उद्घाटन गरिएको छ। एनसेलका कर्मचारी प्रमुख स्टेफेन रोड्रिगेजले उद्घाटन गरेका हुन्।

यसअघि वीरगन्जको माईस्थान चोकमा रहेको एनसेल सेन्टर अहिले शीवा हस्पिटल गल्लीमा रहेको सुविधासम्पन्न भवनमा नयाँ सेटअपसहित सञ्चालनमा ल्याइएको हो। उक्त सेन्टरमा पर्सा, बारा र रौतहट जिल्लाका लागि एनसेलको क्षेत्रीय अफिसपनि सञ्चालनमा ल्याइएको कष्टमर एक्सपेरियन्स मेनेजर ज्योती दाहालले जानकारी दिइन्।

उनका अनुसार, बिहीबारदेखि औपचारिक रुपमा सञ्चालनमा ल्याइएको नयाँ एनसेल सेन्टरबाट प्रिपेड बिल भुक्तानी, नयाँ सिम वितरण, फोरजी सिम वितरण लगायतका सेवाहरू उपलब्ध रहेको उनले बताइन्। एनसेलका ग्राहकलाई फेस टू फेस सेवा दिनका लागि पनि नयाँ सेटअपसहितको सेन्टर सञ्चालन गरिएको उनले बताइन्। दाहालका अनुसार, देशभरी एनसेलको ३३ वटा सेन्टर सञ्चालनमा छन्।