जनकपुरधाम । मधेश प्रदेशको राजधानी जनकपुरधामस्थित एक बालिकालाई कुकुरले टोकेपछि मृत्यू भएको छ ।

जनकपुरधाम उपमहानगरपालिका वडा नम्बर १ पुलचोकस्थित डेरा गरी बस्दै आएकी बालिकाको बौलाहा कुकुरले टोकेर ज्यान लिएको हो । मँगलबार साँझ पुलचोकमा डेरा लिएर बस्दै मजदुरी गर्दै आएका दिपक साहकी ६ बर्षिय छोरी सन्ध्या साहको मृत्यू भएको हो ।

कुकुरले टोकेर गम्भिर घाईते बनेकी सँध्यालाई उपचारको लागि अस्पताल लैजाँदै गर्दा उनको सोही ठाउँमा मृत्यू भएको स्थानीयहरुले जनाएको छ ।

शहिदनगर नगरपालिकाको यदुकूहा स्थायी घर भएका दिपक मजदुरी गर्दै आएका छन् । उनी श्रीमतीसंगै पुल चोकमा कोठा भाडा लिएर बस्छन् । बाहिर खेल्न गएको अवस्थामा सँध्यालाई कुकुरले लछारपछार गर्दै टोकेका थिए ।