वीरगंज | इलाम क्षेत्र नम्बर २ काे प्रतिनिधि सभा सदस्यमा नेकपा (एमाले)का सुहाङ नेम्बाङ विजयी भएका छन् ।
निकटतम प्रतिस्पर्धी नेपाली कांग्रेसका डम्बर बहादुर खड्कालाई ५ हजार ८३० मतले पछि पार्दै सुहाङ विजयी भएका हुन्।उनि २७ हजार ७७२ मत ल्याएर विजयी भएका हुन् ।
निकटतम् प्रतिद्वन्द्वी कांग्रेसका खड्काले २१ हजार ९४२ मत ल्याए । पहिचान पक्षधर स्वतन्त्र उम्मेदवार डकेन्द्रसिंह थेगिम ११ हजार ४५७ मतसहित तेस्रो भएका छन् ।
रास्वपाका उम्मेदवार मिलन लिम्बू ५ हजार ५० मतसहित चौथो भएका छन् ।
बैशाख १५ गते भएको उपनिर्वाचनमा इलाम-२ मा ६९ हजार ३७४ मत खसेको थियो ।
गत भदौ २७ मा पूर्व सभामुख तथा पूर्व संविधानसभा अध्यक्ष सुवासचन्द्र नेम्वाङको निधन भएपछि इलाम-२ रिक्त थियो ।
