वीरगंज | कपिलवस्तुको मायादेवी गाउँपालिकामा एक भारतीय नागरिकको अपहरणपछि हत्या गरिएको छ । भारतको सिद्धार्थनगर जिल्ला बर्डपुरस्थित पोखरभिटवाका ४१ वर्षीय जमाल अहमदको अपहरण पछि हत्या भएको कपिलवस्तु प्रहरी प्रवक्ता प्रहरी नायब उपरक्षिक हरिबहादुर वलीले जानकारी दिए ।

युपी ५५ एएच २०५७ नम्बरको मोटरसाइकल चढेर बिहीबार अपरान्ह ४ बजेतिर नेपाल आइरहेका बेला बिजुवा पुलमा रोकेर जमाललाई ट्याम्पुमा राखेर अपहरण गरिएको थियो ।

उनलाई अभिराभ गाउँ नजिक रहेको इसलाहुल मुस्लिम मदरसाको कोठामा बाँधेर कुटपिट गरी हत्या गरिएको वलीले बताए ।घटनामा संलग्न मुख्य अभियुक्तसहित ३ जना नेपालीलाई पक्राउ परेका छन् ।

हत्या गरिएको शव बिहीबार राति १२ बजे फेला परेको र उनको पोष्टमार्टमपछि परिवारलाई बुझाइएको छ । सीमा क्षेत्रमा रहेका यो परिवारमा आर्थिक विवादका कारण घटना भएको प्रहरीले आंकलन गरेको छ ।