वीरगञ्ज । सशस्त्र प्रहरीले स्रोत नखुलेको ५ लाख नगदसहित एक जना भारतीय नागरिकलाई पक्राउ गरेको छ । वीरगञ्ज महानगरालिका वडा नम्बर १६ शंकाराचार्य गेटबाट प्रस्तावित सीमा सुरक्षा गुल्म वीरगञ्जले ५ लाख नगद बरामद गरेको हो ।
चेकजाँच गर्ने क्रममा भारतबाट नेपालतर्फ पैदल आउँदै गरेको अवस्थामा भारतीय पूवई जम्पारण रक्सौल नगर पञ्चायत ७ बस्ने २४ वर्षीय उमेश कुमार यादवलाई सशस्त्र प्रहरीले पक्राउ गरेको हो ।
यादवको साथबाट नेपाली ५ लाख नगद बरामद गरिएको सूचना अधिकारी एवम् सशस्त्र प्रहरी नायब उपरीक्षक संगम श्रेष्ठले जानकारी दिए । आवश्यक अनुसन्धानका लागि बरामद रकमसहित वीरगञ्ज भन्सार कार्यालयमा बुझाइएको छ ।
