जनकपुरधाम । जनकपुरधामस्थित एक होटेलमा बसेकी युवतिको मृत्यू भएको छ । जनकपुरधामस्थित एक होटेलमा बसेकी युवतिको मृत्यू भएको छ । जनकपुरको रामानन्दचोकस्थित रहेको सिटी प्यालेस फैमिली होटेलमा राती बसेकी एक युवति बेहोस अवस्थामा भेटिएकी थिइन् । उनको उपचारको क्रममा मृत्यू भएको हो ।

जिल्ला प्रहरी कार्यालय धनुषाका अनुसार, सो होटेलको खुल्ला कोठामा बेहोस अवस्थामा भेटिएकी थिइन् । बिहान करिब ९ बजेतर्फ चेकइनको लागि गएका होटल स्टाफले कोठा खुल्ला र युवतिलाई बेहोस देखेपछि प्रहरीलाई खवर गरेको थियो । जानकारी अनुसार उनीसँगै दुई युवक समेत बसेका थिए ।

मृतक कास्कीको पोखरा बस्ने अन्दाजी बर्ष २७ की खुश्बु सुनार रहेको जनाईएको छ । बेहोस अवस्थामा भेटिएकी खुश्वुको उपचारको लागि प्रादेशिक अस्पतालमा पुरयाउँदा मृत्यू भएको हो । उनको मृत्यूको कारण भने खुल्न सकेको छैनन् । धनुषाका प्रहरी प्रवक्ता डिएसपी रञ्जन अवाका अनुसार युवतिसँगै होटेलमा बसेका दुई युवक फरार भएका छन् । उनीहरुलाई सिसिटीभी फुटेजको आधारमा ट्रयाक गर्ने प्रयास भईरहेको जनाईएको छ | मृतक युवतीको शव पोस्टमार्टमको लागि प्रादेशिक अस्पताल जनकपुरमा राखिएको छ ।