चेन्नई । दक्षिण भारतमा रिलिज भएको रजनीकान्तको शीर्ष भूमिका रहेको लाल सलाम विकेन्डसम्म आइपुग्दा पनि डबल डिजिटमा पुग्न सकेन । ओपनिङ डेमा ३ करोड ५५ लाख भारु कमाएको फिल्मले दोस्रो दिन र तेस्रो दिन पनि ३ करोड २५ लाख भारु र ३ करोड भारु मात्रै कमाउन सक्यो । तीन दिनमा फिल्मको कूल कलेक्शन ९ करोड ७९ लाख भारु भएको छ ।

यो फिल्म रजनीकान्तकी छोरी ऐश्वर्यले निर्देशन गरेकी थिइन् । ऐश्वर्या ९ वर्षपछि निर्देशनमा फर्किएकी हुन् । रवि तेजाको ईगलले बक्स अफिस कलेक्शनमा लाल सलामलाई पछाडि पारेको छ । फिल्मले तीन दिनमा करीब १६ करोड भारुको व्यापार गर्यो । बक्स अफिसमा रजनीकान्तको लाल सलाममाथि रविको इगल हाबी भएको छ ।

शाहिद कपूर र कृति सेननको फिल्म तेरी बातो में ऐसा उलझा जियाले पहिलो सप्ताहन्तमा २६ करोड ८५ लाख भारुको व्यापार गर्यो । पहिलो र दोस्रो दिन ६ करोड ७० लाख र ९ करोड ६५ लाख भारु कमाएको यो फिल्मले आइतबार तेस्रो दिनमा १० करोड ५० लाख भारु कलेक्शन गर्यो । यो पहिलो सप्ताहन्तमा सबैभन्दा धेरै कमाउने शाहिदको सातौं फिल्म बनेको छ । वल्र्डवाइड कलेक्शनमा फिल्मले ३२ करोड कमाइसकेको छ ।