पर्सा | सशस्त्र प्रहरी बल पर्साले आज धेरै मात्रामा अवैध प्याज बरामद गरेको छ । बिरगंज महानगरपालिका-१९ स्थित अलाै तथा ड्राईपाेर्ट ईलाकाबाट सशस्त्र प्रहरी बल नेपाल नं १३ गण हे.क्वा. पर्सा ले ५७४० के.जी. प्याज सहित गाडि नियन्त्रणमा लिएको जनाएको छ।

सीमा सुरक्षा गुल्म अलाै र बिओपि ड्राईपाेर्टबाट खटिएकाे सशस्त्र प्रहरीको गस्ति टाेलीले चेकजांच गर्ने क्रममा अबैध रूपमा भन्सार छलि ल्याइ रहेको प्रदेश २-०३ ००१ च -६२०३ र प्रदेश २-०३ ००१ च ५९३५ नम्बरकाे २ वटा पिकअप गाडीमा नियन्त्रणमा लिएको छ।

गाडि सहित प्याजको मूल्य रू ४२,२९,६००।-अक्षरूपि (बयालिस लाख उनन्तीस हजार छ सय) रहेको छ । उक्त गाडी लाई ५७४० के.जि. प्याज सहित आवश्यक कारवाहीकाे लागि बिरगंज भन्सार कार्यालयमा बुझाएकाे सशस्त्र प्रहरीका डिएसपी संगम श्रेष्ठले जानकारी गराएका छन ।