वीरगञ्ज । वीरगञ्ज स्प्रिट क्लबलाई पराजित गर्दै स्पेशल २६ विजयी भएको छ । वीरगञ्जको आदर्शनगर रंगशालामा जारी टि–फिफ्टीन च्यारिटी क्रिकेट टुर्नामेन्ट अन्र्तगत आजको खेलमा स्पेशल २६ विजयी भएको हो ।

टस जितेर सुरुमा ब्याटिङ् गरेको स्पेशल २६ ले निर्धारित १५ ओभरमा ६ विकेट गुमाएर १२२ रन बनाएको थियो । सुशिल साहले २४ बलमा ७ चौका र ५ छक्का प्रहार गर्दै ६६ रन बनाए ।
बिशाल गुप्ताले २४ बलमा २२ रन बनाउँदा रिशाल गुप्ताले १३ बलमा १८ रन बनाए । अनुराग सर्राफले ३ ओभरमा १५ रन खर्चिएर ३ विकेट लिए । बिकी ठाकुरले १ विकेट लिए भने हसमत अली खानले २ विकेट लिए ।

१२३ रनको लक्ष्य पछ्याएको वीरगञ्ज स्प्रिट क्लब १५ ओभरमा ९ विकेट गुमाएर ९१ रनमै समेटियो । जसका लागि हसमत अली खानले १५ बलमा २७ रन जोडे । अनिष खड्काले १७ रन बनाउँदा रवी मेहताले १२ रन बनाए ।
स्पेशल २६ का बाल्मिकी राउतले ३ ओभरमा ३ विकेट लिए । रिशाल गुप्ताले पनि ३ विकेट लिए । सुशिल साहले १ विकेट लिए । प्रतियोगीतामा सुशिल साह प्लेयर अफ दी म्याच घोषित भएका छन् ।