वीरगञ्ज । जिल्ला पर्सा वीरगञ्ज महानगरपालिका वडा नम्बर १४ गण्डकचोक स्थित सडकखण्डबाट ना.३ ख ४७४९ नम्बरको मालवाहक ट्रक पर्सा प्रहरीले नियन्त्रणमा लिएकाे छ् । राजश्व छली चोरी गरी विल विजक भन्दा बढी मालबस्तुहरू लोड गरी वीरगञ्जबाट विराटनगरतर्फ जाँदै गरेको सूचना प्राप्त भएपछि जिल्ला प्रहरी कार्यालय पर्साबाट खटिएको टोलीले उक्त मालवाहक ट्रकलाई नियन्त्रणमा लिएकाे हाे ।

लोड रहेको मालबस्तुहरु विलमा उल्लेखित भन्दा बढी लोड रहेको आसंका रहेको तथा सो विल बिजक संकास्पद देखिएको हुँदा ना.३ ख ४७४९ नम्बरको मालवाहक ट्रकलाई नियन्त्रणमा लिएकाे हाे ।

उक्त मालवाहक ट्रकभित्र कपडा तथा खुद्रा समानहरू ३५ लाख बराबरको रहेकाे आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको हाे ।