वीरगञ्ज । वीरगञ्जस्थित नारायणी अस्पतालमा एक संस्थाले बिरामी र कुरुवाहरूलाई कम्बल वितरण गरेको छ । साहिब दरबार नामक संस्थाले शनिवार अस्पतालमा भर्ना भई उपचाररत बिरामी र तीनका कुरुवा गरी १५० जनालाई कम्बल बाँडेको हो ।

अस्पतालका विभिन्न वाडमै पुगेर बिरामी र कुरुवाहरूलाई कम्बल वितरण गरिएको साहिब दरबारका अध्यक्ष उमेशलाल सहनीले जानकारी दिए । मधेसमा अहिले बढ्दो जाडोमा बिरामी र तीनका कुरुवाहरूलाई चिसोले समस्या भएपछि त्यसैलाई मध्यनजर गरी कम्बल बाँडिएको सहनीले बताए ।

अस्पतालमा कम्बल बाँड्न गएको टोलीमा अध्यक्ष सहनीसँगै वीरगञ्ज महानगरपालिका – ३ का वडाध्यक्ष बैजुलाल स्वर्णकार, साहिब दरबारका सदस्यहरू प्रेमबाबु पटेल , अन्नपूर्ण मानन्धर, दिपा श्रेष्ठ , रोशन पटेल, वकिल मियाँ, समिम अन्सारी, हफिज मियाँ, पुष्पराज कोइरालासमेतको सहभागिता रहेको थियो ।