वीरगंज । बारा प्रहरीले ५ लाख ८८ हजार बराबरको चामलसहित ट्रकलाई नियन्त्रणमा लिएको छ ।
प्रहरी चौकी पथलैयाबाट खटीएको प्रहरी चेकीङ टोलिले चेकजाँच गर्ने क्रममा प्रसौनीबाट चितवन तर्फ जादै गरेको म.प्र.-०३-००१ क २२४१ नं.को मिनि ट्रकलाई नियन्त्रणमा लिएको हो ।
ट्रकको भ्याट बिल र अनलाइन बिलमा परिमाण र मुल्य फरक रहेको ५ लाख ८८ हजार रुपैया बराबरको ७ हजार किलो चामल बरामद गरिएको जिल्ला प्रहरी कार्यालय बाराका प्रवक्ता दधिराम न्यौपानेले बताए ।
उनका अनुसार उक्त ट्रकलाई नियन्त्रणमा लिई आवश्यक कानूनी प्रकृया अगाडी बढाईएको छ ।
