वीरगंज । लायन्स क्लब वीरगन्ज परिवार र लायन्स क्ल्ब कुटुम्बको संयुक्त रुपले वीरगन्ज कपडा बैंक लाई कपडा सहयोग गरेको छ । कार्यक्रम सन्योजक लायन अशोक बेरिवालको संयोजकत्वमा ५ बोरा र १ झोला कपडा बैंकका अध्यक्ष लालबाबु सिंह लाई कपडा बैंकको कार्यालय वीरगन्ज -८ मा पुगि हस्तान्तरण कार्यक्रम गरि प्रदान गरिएको हो ।

सो अवसरमा लायन्सका अध्यक्ष लायन रबि सराफ,सदस्यहरु नरोतम पाण्डे ,श्याम गुप्ता,बिजया ओझैया,सन्जिता प्याकुरेल,रचना शर्मा,अर्चना शर्मा,रिकेश साह,बासु तिमिल्सिना ,रिना रौनियार,प्रीती गुप्ता,सिमा रौनियार लगायत वीरगन्ज कपडा बैंकका कोषाध्यक्ष मनोज मिश्राको सहभागिता रहेको छ ।

सो अवसरमा वीरगन्ज कपडा बैंकका अध्यक्ष सिंहले दिन दुखी असहायको सेवा सहयोग को लागि ” जस संग धेरै छ दियेर जानुस र जो सित कमि छ आवश्यकता छ निशुल्क लियेर जानुस ” को मुलमन्त्र लाई आत्मसात गर्दै बिगत ५ बर्ष देखि वीरगन्ज कपडा बैंक स्थापना गरि कार्यालयबाट र विभिन्न स्थानहरुमा निशुल्क कपडा वितरण गरि सेवा प्रदान गरिरहेको जानकारी गराउदै लायन्स क्लब वीरगन्ज र कुटुम्ब परिवारले सामाजिक क्षेत्रमा गुणस्तरीय सेवा प्रदान गरिरहेको र वीरगन्ज कपडा बैंकको माध्यमबाट दिन दुखी असहायको लागि कपडा प्रदान गरि सहयोग गर्नु भएकोमा हार्दिक आभार धन्यवाद प्रकट गर्नु भयो । कार्यक्रम संयोजक लायन बेरिवालले वीरगन्ज कपडा बैंकले गरिरहेको कार्यको प्रसंशा गर्दै आउने दिनमा लायन्स क्लबले सक्दो सहयोग गर्ने बताउनु भयो ।