वीरगन्ज । अयोध्यामा राम मन्दिरको प्राण प्रतिष्ठाको दिन नजिकै आइरहेको छ । प्राण प्रतिष्ठा नजिकिँदै गर्दा मन्दिरमा रामको मूर्ति बनाउन नेपालबाट पठाइएको डुङ्गाहरूबारे रुचि र चर्चा बढिरहेको छ ।

राम मन्दिर बनाउने काम पूरा भए पनि फेब्रुअरीमा काली गण्डकी नदीको तिरबाट अयोध्यामा २ ओटा शिला पठाइएको थियो । यिनीहरूको तौल क्रमशः १४ टन र २७ टन थियो । कालीनदी तटबाट सङ्कलन गरिएका यी ढुङ्गा जनकपुरको जानकी मन्दिरमार्फत अयोध्या पठाइएको थियो ।

सुरुमा यी डुङ्गाबाट रामको मूर्ति बनाइने कुरा सुन्नमा आएको थियो । तर यी शिला मूर्ति बनाउन उचित नभएको खबर पनि आए । भारतीय सञ्चार माध्यमहरूमा छापिएका केही खबरका अनुसार यी पत्थरबाट मूर्ति बनाउने विषयमा राम मन्दिरसँग सम्बन्धित सन्तहरूले नै आपत्ति जनाएका थिए ।

Shivam Cement
खबरका अनुसार यी ढुङ्गा कालीगन्डकी नदीको भएको अनि त्यहाँको ढुङ्गा शालिग्राम बराबर भएकोले ती डुङ्गालाई मूर्ति बनाउन प्रयोग गर्न नसकिने केही सन्तको मान्यता थियो । ढुगाको ‘टेक्निकल’ परीक्षण पश्चात् मूर्तिकारहरूले यस्तो डुङ्गबाट मूर्ति बनाउन सम्भव नभएको बताएपछि अरू ढुङ्गाले मूर्ति बनाइएको बताइएको छ ।

Nabil bank
१४ टनको डुङ्गालाई शालिग्राम मानेर २७ टनको डुङ्गामा मूर्ति कोर्न खोजिएको थियो । तर यो ढुङ्गा पनि मूर्ति बनाउन उपर्युक्त नपाइएपछि दुबैलाई राम मन्दिरको निर्माण स्थल नजिक राखियो । राम मन्दिरको गर्भ गृहमा राख्न भारतको अलग अलग स्थानबाट ल्याइएको डुङ्गाहरूबाट तीन ओटा मूर्ति बनाइएको भारतीय सञ्चार माध्यमले भनेका छन् । यीमध्ये सबैभन्दा राम्रो मूर्तिलाई छानेर गर्भ गृहमा राखिने छ । शिलाबाट मूर्ति नबनाइएको भए पनि शालिग्रामको रूपमा पूजा गर्नु पर्ने भन्दै नेपालका केही प्रतिनिधिहरूले जोड दिइरहेका छन् ।

कहिले छ प्राण प्रतिष्ठा ?
अयोध्यामा निर्धाणधिन राम मन्दिरमा जनवरी २२ ( ८ माघ ) मा प्राण प्रतिष्ठा गर्ने कार्यक्रम छ । ट्रस्टले यसको तयारीका लागि पाहुनाहरूलाई निम्तो पठाउन पनि सुरु गरेको छ । मन्दिरको गर्भगृह निर्माणको काम चौबिसै घण्टा भइरहेको छ । समयमै काम सम्पन्न गर्ने प्रयास भइरहेको छ ।

यस कार्यक्रममा भारतीय प्रधानमन्त्री नरेन्द्र मोदी सहित देश विदेशबाट विशेष अतिथि अयोध्या आउनेछन् । नयाँ मन्दिरको लागि पुजारीहरू छान्ने काम पनि भइरहेको छ ।