वीरगञ्ज । सप्तरीमा देखिएको पार्टी भित्रको आन्तरिक विवाद मिलाउनका लागि जनता समाजवादी पार्टी (जसपा) का अध्यक्ष उपेन्द्र यादव आफैं सप्तरी पुगेका छन् । सप्तरीको पर्सामा असन्तुष्ट पक्षले समानन्तर जिल्ला कमिटी बनाएपछि पार्टीको नेतृ रेणु यादवलाई फकाउन अध्यक्ष यादव सप्तरी पुगेका छन् । मधेश प्रदेशमा रेणु बलियो अवस्थामा पुगेपछि अध्यक्ष यादव उनलाई फकाउन सप्तरी पुगेका छन् । सप्तरीमा कार्यकारिणी सदस्य रेणु यादव र केन्द्रीय सदस्य शैलेन्द्र साहको अगुवाइमा उमेश यादवको नेतृत्वमा अर्को कार्य समिति बनेको छ । जो समिति निर्वाचित समिति भन्दा बलियो देखिएको छ ।

जसपा सप्तरी जिल्ला समितिका अध्यक्ष केदार यादव छन् । उनको विपक्षमा उमेश यादवको नेतृत्वमा नयाँ कार्य समिति बनेको छ । जिल्ला जिल्लामा देखिएको विवाद समाधान गर्नका लागि जसपा मधेश प्रदेश समितिका अध्यक्ष रामबाबु यादवको संयोजकत्वमा कार्यदल गठन भएको थियो । त्यो कार्यदलले पनि समस्या समाधान गर्न नसकेपछि अध्यक्ष यादव आफै सप्तरी पुगेका छन् । उनले दुवै पक्षका नेतासँग यस विषयमा छलफल गरी समस्या समाधानका लागि प्रयास गर्ने जसपाका एक जना कार्यकारिणी सदस्यले बताए । जनता समाजवादी पार्टी (जसपा) मा महिला नेतृको रुपमा रेणु यादव प्रभावशाली नेतृको रुपमा मानिन्छ । जसपाले उनलाई राष्ट्रिय सभा सदस्य बनाउने आश्वासन दिएपछि त्यहाँको विवाद साम्य हुने देखिएको जसपाका एक नेताले जानकारी दिए ।

जसपामा नेतृ यादवलाई उपेक्षा हुन थालेपछि उनी लगायत केही नेताहरु जिल्ला जिल्लामा समानान्तर समिति बनाउन थालेका थिए । तर, अध्यक्ष यादवले यस विवादलाई समाधान गर्नका लागि आफैले थालेको पहल सकारात्मक हुने ती नेताले विश्वास व्यक्त गरेका छन्। रेणु यादव मधेश आन्दोलनको बेला पार्टीका अध्यक्ष यादवको काँधमा काँध मिलाएर हिडेकी नेतृ रहेकी जसपाका पुराना नेताहरुको भनाइ छ । जसपामा समानान्तर समिति गठन हुने होडवाजी चलेपछि पार्टीका अध्यक्ष यादवले आफै पहल थालेका छन् । जनकपुरधाम नगर समितिमा समेत समानान्तर समिति गठन गरिएको छ भने पर्सामा समेत समानान्तर समिति गठन गरिएको छ ।

समानान्तर समिति गठन हुँदा पार्टी कमजोर हुने र यसले पार्टीलाई दीर्घकालीन असर पर्न सक्ने भएकाले पार्टी अध्यक्ष सप्तरी पुगेका छन् । सप्तरीबाटनै उनी आन्तरिक कलहहरु समाधान गर्दै जाने भएका छन् ।
सप्तरी निर्वाचन क्षेत्र नम्वर २ पार्टी अध्यक्ष उपेन्द्र यादवको निर्वाचन क्षेत्र छन् जहाँ आन्तरिक कलकहै कारण उनी जनमतका अध्यक्ष सीके राउतबाट पराजित हुनु परेको थियो ।