काठमाडौं- काभ्रेको धुलिखेलमा शनिबार बिहान गाडीको ठक्करबाट एक पैदलयात्रीको मृत्यु भएको छ।

धुलिखेल नगरपालिका- ११ पात्लेखेतमा भकुन्डेबेंसीबाट काठमाडौंतर्फ आउँदै गरेको
प्र १-०१-००१ च ८५९२ नम्बरको गाडीले ठक्कर दिँदा स्थानीय ५० वर्षीय यमुनाप्रसाद धितालको मृत्यु भएको हो।

दुर्घटनापश्चात् गम्भीर घाइते भएका धिताललाई उपचारको लागि धुलिखेल अस्पताल लगिएकाेमा चिकित्सकले मृत घाेषणा गरेकाे प्रहरीले जनाएकाे छ।

गाडी र सवारी चालक दुवै प्रहरी नियन्त्रणमा छन्। घटनाबारे थप अनुसन्धान भइरहेकाे छ।