वीरगंज नेपाल पिछडा वर्ग (ओबीसी) महासङ्घ पर्साले मङ्गलवार वीरगञ्जको नारायणी अस्पतालमा फलफूल वितरण गरेको छ ।
अस्पतालको जनरल वार्डमा भर्ना रहेका बिरामी र तिनका कुरुवाहरूलाई महासङ्घ पर्साका अध्यक्ष देवनाथ महतोको नेतृत्वमा गएको टोलीले फलफूल वितरण
\
गरेको हो । हिन्दुहरूको ठूलो पर्व दीपावली र छठको उपलक्ष्यमा फलफूल वितरण गरेको महासङ्घले बिरामीहरूको स्वास्थ्य अवस्थाको बारेमा समेत जानकारी लिएको अध्यक्ष महतोले बताए । महतोका अनुसार अस्पतालमा बिरामीहरूको उपचारमा कुनै लापरबाही नहोस् भनेर फलफूल वितरण गर्नुका

साथै उनीहरूको स्वास्थ्य अवस्था र अस्पतालले उपलब्ध गराइरहेको सेवा सुविधाको बारेमा जानकारी लिइएको थियो । फलफूल वितरण कार्यक्रममा ओबीसी महासङ्घ पर्साका जिल्ला सचिव नीरज महतो, वीरगञ्ज नगर कमिटीका अध्यक्ष राज साह, नगर उपाध्यक्ष रितेश पटेल, दिपक महतो कमलेश पटेल, दिपक महतो, सागर प्रजापति, राज किशोर साह, राजीव महतो र राजु पटेललगायतको सहभागिता रहेको थियो ।