वीरगंज । आईसीसी विश्वकपमा आज पाकिस्तानले दक्षिण अफ्रिकाको सामना गर्दै छ । चेन्नईको एम. चिदम्बरम रंगशालामा यो खेल दिउँसो सवा २ बजे सुरु हुनेछ । जारी विश्वकपमा खराब लयबाट गुज्रिरहेको पाकिस्तानले लगातार तीन खेल हारेको छ । अंकतालिकाको पाँचौं स्थानमा रहेको पाकिस्तानका लागि सेमिफाइनल टाढा हुँदै गएको छ । आज पनि पराजित भए उसको सेमिफाइनल सम्भावना लगभग समाप्त हुनेछ ।

कप्तान बाबर आजमकै ब्याटिङ अहिले चिन्ताको विषय बनेको छ । उनको कप्तानीलाई लिएर पनि आलोचना भइरहेको छ । बाँकी ब्याटरको प्रदर्शन पनि खस्कँदै गएको छ । यद्यपि इमाम उल हक र मोहम्मद रिजवनले राम्रो खेल प्रदर्शन गर्दै आएका छन् । बलिङमा साहिन साह उत्कृष्ट रहे पनि हरिस रउफ र उसमा मिर निकै खर्चिला साबित भएका छन् । आज बलिङमा पाकिस्तानी टिममा परिवर्तन हुने अनुमान गरिएको छ ।

यता सानदार सुरुआत गरेको दक्षिण अफ्रिका एक हारसँगै तालिकाको दोस्रो स्थानमा छ । न्युजिल्यान्डसँग पराजित भए पनि उसले अस्ट्रेलिया, श्रीलंका र इंग्ल्यान्डलाई हराइसकेको छ । त्यसैले अफ्रिका सेमिफाइनल नजिक पुग्न चाहन्छ । यता पाकिस्तान भने विश्वकपमा पुनरागमनको पर्खाइमा छ ।