वीरगञ्ज । फिफा विश्वकप छनोट फुटबल प्रतियोगिताको प्रारम्भिक चरणको दोस्रो लेग खेलमा नेपालले लाओससँग उसैको घरेलु मैदानमा अग्रता लिएको छ । नेपालले मंगलबार लाओसको घरेलु मैदानमा खेलिएको दोस्रो लेग खेलको ५३औँ मिनेटमा अग्रता लिएको हो ।

यसअघि दशरथ रंगशालामा खेलिएको पहिलो लेग खेल १—१ गोलको बराबरीमा सकिएकाले नेपाल दोस्रो लेग खेलमा जित्नै पर्ने दबाबमा छ । लाओसमा खेलिएको दोस्रो लेग खेलको ५३औँ मिनेटमा नेपालका लागि मनिष डांगीले गोल गरेका हुन् । दोस्रो लेग खेलमा विजयी हुने टोली विश्वकप छनोट फुटबलको दोस्रो चरणमा प्रवेश गर्नेछ । दोस्रो लेग खेलको ७० मिनेट समय सकिएको छ ।