वीरगंज । धनुषामा पालिकाले ठेक्का लगाएर खनेको खोलाको खाल्डोमा डुबेर एक बालकको मृत्यु भएको छ । मृत्यु हुनेका धनुषाको बटेश्वर गाउँपालिका १ धुमासन टोलका बिनोद महतोका ११ वर्षीय छोरा धिरज कुमार महतो छन् ।

शनिबार दिउँसो अन्य दुईजना बालकसंगै खेल्न बिगही खोलामा पुगेका थिए । खाल्टोमा जमेको पानी नुहाउन खोजेका थिए । तर खाल्टोमा चिप्लएर डुबेका बालक लामो समयसम्म ननिस्केपछि संगै गएका बलाकहरुले स्थानीय गुहारेका थिए ।

खोजेर निकालेर उनलाई प्रादेशिक अस्पताल जनकपुर उपचारका लागि पुर्याएपछि चिकित्सकले मृत घोषणा गरेका थिए । बटेश्वर गाउँपालिका कार्यालयले तीन वर्ष अघि सो खोला ठेक्का लगाउँदा उत्खनन भएको थियो । पछि ठेक्का रद्द गरेपनि पछि पुनः लुकीचोरी डोजर लगाएर खनेको खाल्डोमा पानी जमेको छ । घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।