सर्लाही । सर्लाहीमा दुई समुदायबीचको विवाद चर्किएर अप्रिय अवस्थाको सिर्जना भएपछि अवस्थालाई सामान्य बनाउन सर्वदलीय बैठक बसिरहेको छ । कृष्ण जन्मास्ष्टमीको दिनदेखि भएको विवाद अझै साम्य नभएपछि स्थानीय प्रशासनले गएरातिदेखि मलंगवा क्षेत्रमा कर्फ्यु आदेश जारी गरेको छ ।

यद्यपि कफ्र्यु आदेशका बीच शुक्रबार प्रदर्शनकारीले सिडिओ कार्यालय कार्यालय घेराउ गरी ढुुङ्गामुढा गरेका छन् । सो क्रममा बल प्रयोग गरेर प्रहरीले प्रदर्शनकारीलाई तितरबितर पारेको स्थानीय डा.गुणेश्वर झाले बताए । सिडिओ कार्यालय वरपरबाट प्रदर्शनकारीलाई हटाइए पनि गाउँघरको गल्ली तथा सडक बाटोमा प्रदर्शनहरू जारी रहेको उनले बताए ।

यसैबीच सहायक सिडिओ होमप्रसाद घिमिरेका अनुसार अवस्थालाई सामान्यीकरण गर्न सिडिओ कार्यालयमा सर्वदलीय बैठक जारी हो । बैठकबाट सबै पक्ष सहमतिमा आउने उनले विश्वास व्यक्त गरे । कृष्ण जन्मास्ष्टमीको दिनदेखिको विवाद बिहीबार मूर्ति विसर्जन गर्ने क्रममा थप बढेपछि अवस्था तनावपूर्ण भएको बताइएको छ ।