वीरगंज । सर्लाहीमा करेन्ट लागेर एक मजदुरको मृत्यु भएको छ । हरिवन नगरपालिका २ अत्रौलीमा करेन्ट लागेर बर्दिया घर भएका २८ वर्षीय अशोक चौधरीको मृत्यु भएको प्रहरीले जनाएको छ।

हरिवन २ अत्रौली लालभित्तिमा निर्माण भइरहेको मोटरेवल पुल निर्माणमा खटिएका चौधरीको हाइटेन्सन लाइनको तार छुँदा करेन्ट लागेर मृत्यु भएको जिल्ला प्रहरी कार्यालय सर्लाहीले जनाएको छ ।

करेन्ट लागेर गम्भीर घाइते भएका चौधरीलाई साथीहरुले तत्कालै उपचारको लागि हरिवनस्थित नमूना अस्पताल पुर्याएका थिए । अस्पताल पुर्याउनासाथ चिकित्सकले उनलाई मृत घोषणा गरेका प्रहरीले जनाएको छ ।