वीरगंज । पर्सा जिल्लालाई सुख्खाग्रस्त क्षेत्र घाेषणा गर्न सरकारसंग माग गरिएको छ ।वीरगन्जमा बुधबार बसेकाे जिल्ला विपद व्यवस्थापन समिति र सर्वपक्षीय बैठकले पर्सा जिल्लालाई सुख्खाग्रस्त क्षेत्र घाेषणा गर्न सरकार समक्ष सिफारिस गर्ने सर्वसम्मत निर्णय गरेकाे हाे । वीरगन्ज महानगरपालिकासहित पर्सा जिल्लाभर खानेपानीको मुख्य श्राेत चापाकलहरु सुकेर खानेपानीको हाहाकार भएकाे र आकाशे वर्षाकाे भर खेती हुदै आएकाे पर्सामा प्रयाप्त वर्षा नहुदाँ तथा परम्परागत रुपमा सिंचाईकाे श्राेतका रुपमा हुदैं आएका नदि, खाेला, कुलाे, पाेखरी र बाेरिङ सुक्दै गएकाले सिंचाइकाे अभावमा अधिकांश भेगमा धानको राेपाईं समेत हुन नसकेकाले पर्सा जिल्लालाई सुख्खाग्रस्त क्षेत्र घाेषणा गर्न सरकार समक्ष सिफारिस गर्ने निर्णय गरिएको बैठकमा सहभागी जिल्ला समन्वय समिति पर्साका प्रमुख अजय सर्राफले जानकारी दिए ।

पर्सा जिल्लालाई सुख्खाग्रस्त क्षेत्र घाेषणा गरि पानीकाे वर्तमान समस्यालाई तत्काल र दीर्घकालीन रुपमा समाधान गर्न संघ सरकार , प्रदेश सरकार र विकास निकायहरुलाई राहत तथा सहयाेगकाे लागि अनुराेध गर्ने निर्णयपनि गरिएको बैठकमा सहभागी पर्सा क्षेत्र नम्बर २ का सांसद अजय चाैरसियाले बताए । जिल्ला विपद व्यवस्थापन समितिकाे अध्यक्षता प्रमुख जिल्ला अधिकारी हिरालाल रेग्मी तथा सर्वपक्षीय बैठककाे अध्यक्षता जिल्ला समन्वय समितिका प्रमुख अजय सर्राफले गरेका थिए ।

बैठकमा सांसद अजय चाैरसिया, प्रदेश सभा सदस्यहरु श्याम पटेल, प्रमाेद जयसवाल र विणा शर्मा, जिल्ला समन्वय समिति पर्साका प्रमुख अजय सर्राफ, उपप्रमसख पुरन कुर्मी, पाेखरिया नगरपालिकाका मेयर प्रदुमन चाैहान, पर्सागढी नगरपालिकाका मेयर गाेकर्ण पाठक, बहुदरमाई नगरपालिकाका मेयर सिंघासन सा तेली, सखुवा प्रसाैनी गाँउपालिकाका अध्यक्ष यशवन्त यादव, विन्दबासिनी गाँउपालिकाका अध्यक्ष प्रमाेद तिवारी , ठाेरी गाँउपालिकाका अध्यक्ष लालबहादुर श्रेष्ठ , कालिकामाई गाँउपालिकाका अध्यक्ष वशिष्ठ कुमार कलवार, धाेबिनी गाँउपालिकाका अध्यक्ष मदन चाैहान लगायतको सहभागीता थियाे ।