वीरगंज । मिसन लाइफको एक भागको रूपमा भारतको महावाणिज्य दूतावास वीरगन्जले विशेष सप्ताहको आयोजना गरेको छ । सो अवसरका महावाणिज्यदूत नितेश कुमारले मिसन लाइफ पर्यावरणको संरक्षण र प्रवर्द्धन गर्न भारतले थालेको विश्वव्यापी जनआन्दोलन भएको बताए । मिसन लाइफ एक दिगो भविष्य निर्माण गर्न डिजाइन गरिएको हो।
भारतीय प्रधानमन्त्री नरेन्द्र मोदीले सन् २०२१ मा ग्लासगोमा भएको २६ औँ राष्ट्रसङ्घीय जलवायु परिवर्तन सम्मेलन (कोप २६) मा विश्वलाई मिसन लाइफको परिचय गराएका थिए ।
मिसन लाइफ अन्तर्गत, वाणिज्य दूतावासले गत जुन २० मा आफ्नो परिसर भित्र स्वास्थ्य जीवनशैलीको विषयमा प्यानल छलफल आयोजना गर्यो। यस अवसरमा डा नीरज कुमार सिंह र डा सूचित कुमार शर्माले स्वस्थ जीवनका लागि व्यक्तिहरूले आफ्नो जीवनशैलीलाई कसरी परिमार्जन गर्न सकिन्छ भन्ने विषयमा आफ्नो विचार प्रस्तुत गरेका थिए ।
मिसन लाइफ अन्तर्गत कुल सात सत्रहरू सञ्चालन गरिएको थियो भने प्रत्येक सत्रमा स्वास्थ्य सम्बन्धी विभिन्न आयामका बारेमा छलफल गरिएको थियो । बैठकमा वीरगन्जका करिब एक सय नागरिक समाजका सदस्य तथा वाणिज्य दूतावासका पदाधिकारी तथा कर्मचारीहरूको सहभागिता रहेको थियो ।
