वीरगंज । वीरगन्ज महानगरपालिका वडा नम्बर ३१ स्थित मिलन चोकदेखि लालपर्सासम्म कालोपत्रे (पिच) सडकको निर्माण कार्य कमसल भएको भेटिएपछि सांसद प्रदीप यादवले त्यसबारे चासो लिएका छन् ।सांसद यादवले कमसल सामग्री प्रयोग गरि निर्माण गरिएको सडकबारे चासो लिदैं त्यसलाई तत्काल मापदण्ड अनुसार पुर्ननिर्माण गर्न ठेकेदार कम्पनी र सडक डिभिजन कार्यालय हेटौडाका इन्जिनियरलाई निर्देशनपनि दिएका छन् । मिलन चोकदेखि लालपर्सा सम्मको साढे ७ किलोमिटर सडक स्तरोन्नत्ती एवं कालोपत्रे गर्न शारदा अमित जेभी कन्ट्रक्सन कम्पनीले २ करोड ९८ लाख रुपैयाँमा ठेक्का सकारेर सडक कालोपत्रे गरेको थियो । तर काम सकिएको केहि दिनमै कालोपपत्रे (पिच ) उप्किएको भिडियो समाजिक सञ्जालमा सार्वजनिक भएपछि सांसद यादवले सडकको अनुगमन गर्न इन्जिनियर एवं निर्माण कम्पनी सहितको टोलीलाई शनिवार मिलन चोकमा पठाएका हुन् ।अनुगमनमा सांसद यादवका स्वकीय सचिव निखिल वर्णवालपनि संगै गएका थिए ।

अनुगमनमा पुगेका इन्जिनियर र ठेकेदारका प्रतिनिधीहरुलाई स्थानीयवासीले भने सांसद यादवलाई बदनाम गर्न कमसल काम गरिएको भन्दै केहिबेर घेराउ समेत गरेका थिए । स्थानीयले सडकको काममा ठेकेदार कम्पनिकै बदमाशी भएकोपनि बताएका थिए । स्थानिय कमाल अख्तरले सडक डिभिजन कार्यालयका कर्मचारी एवं ठेकेदार कम्पनीले सांसद यादवलाई बदनाम गराउनने नियतले कमसल काम गरेकाो बताए । यस्तै स्थानिय शेख सदामले पनि ठेकेदार कम्पनीले हतारमा रातीको समयमा काम गरेको कारण कालोपत्रे राम्ररी नबसेको प्रतिक्रिया दिए । ठेकेदार कम्पनी शारदा अमित जेभिका संचालक जितेन्द्र साहले भने कालोपत्रे गर्ने वेलामा पानी परेको र केहि प्राविधीक त्रुटी भएका कारण मिलन चोक क्षेत्रमा पिच राम्ररी नबसेको बताए । मौसमले साथ दिए बिग्रेको ठाउँमा एक हप्तादेखि बढीमा १५ दिनमा पुन कालेपत्रे गर्ने संचालक साहले बताए ।अनुगमनमा पुगेका भौतिक पूर्वधार विकास कार्यालय अन्तर्गतको सडक डिभिजन कार्यालय हेटौडाका इन्जिनियर ग्रिषनन्द पोरसले ठेकेदार कम्पनीले राम्ररी काम नगरे धरौटी फिर्ता नहुने एवं अन्य कानुनी उपचार रहेको बताउँदै सडक भिडिजन कार्यालयले ठेक्काको रकम असुल उपर गर्न सक्ने समेत बताए ।

केहि ठाउँमा कालोपत्रे उप्किएकोले ठेकेदार कम्पनीलाई तत्कालै ठाउँमा पुन कालोपत्रे गर्न पत्रचार गरि सकिएको पोरसले बताए ।उनले कार्यालयको पत्रचारपछि ठेकेदार कम्पनीले काम पनि शुरु गरिसकेको हुँदा स्थानियलाई नआत्तिन आग्रह गरे । सांसद यादवका स्वकीय सचिव बर्णवालले काम ठेक्का मार्फत भएको कारण सडकको शिलान्यास गर्दैमा सांसद यादव दोषी नहुने बताए । जनताको गुनासो आएको बताउदै उनले केहि ठाउँहरुमा बिग्रेको बाटो ठेकेदार कम्पनीसँग जसरी भएपनि बनाउँन लगाउने ठोकुवा गरे । उनले केहि व्यक्तिहरुले विकासप्रेमी सांसद यादवलाई राजनितिक प्रतिशोधका कारण बदनाम गारउँन खोजेको प्रतिक्रिया दिए । सांसद यादवले आफ्नो काम बजेट ल्याउने रहेको बताए । उनले काम ठेक्का मार्फत भएको कारण आफुलाई बदनाम गर्नुको कुनै औचित्य नरहेको बताए । कामसल काम गर्ने ठेकेदार कम्पनीलाई कारबाहीको दायरामा ल्याउने यादवले बताए ।