वीरगंज । मधेस प्रदेशमा अहिले पनि जनप्रतिनिधिहरुले जनता संग खुलेआम घुस माग्ने गरेका छन । मधेस प्रदेशको बारा जिल्ला महागढीमाइ नगरपालिका वडा नम्बर २ का वडा अध्यक्ष विश्वनाथ प्रसाद कुशवाहाले बसाइँसराइको सिफारिस गरे बापत रु २० हजार घुस मागेको सेवाग्राहीले बताएका छन् । बारा जिल्लाको महागढीमाइ नगरपालिका बरियारपुर वडा नम्बर २ का वाड अध्यक्ष कुशवाहाले यस्तो हर्कत गरेका हुन ।

अहिले कार्यालयमा सेवाग्राहीहरुको भिड लागेको बेला आफू पार्टिको आन्दोलनमा सहभागी भएको भनी सेवाग्राही हरुलाइ दुख दिने काम गरीरहेका छन । जनताको काम छिटो छरितो गर्नु भनेर जनताहरुले जनप्रतिनिधिमा निर्वाचित गराएको भए पनि अहिले जनता भन्दा पनि आफ्नो पार्टी प्यारो भएको भन्दै स्थानीय बासिन्दाहरु आक्रोशित भएका छन् ।

वाड अध्यक्ष कुशवाहा कार्यलयमा नबसी दिनहु पार्टी र आफ्नो ब्यक्तिगत काममा घुमी रहेकोले जनताहरु उनी बाट आजित बनेका छन । सो सन्दर्भमा वडा अध्यक्ष कुशवाहा संग सम्पर्क गर्दा आफू पार्टीको आन्दोलनमा रहेकोले पछि कुरा गर्ने भनी गैरजिम्मेवार पुर्ण जबाफ दिए ।