वीरगंज । वीरगंज महानगरपालिका वडा नम्बर १० घडिअर्वामा एक अपरिचित पुरुषकाे शव बेवारिसे अवस्थामा फेला परेकाे छ । घडीअर्वा पाेखरीकाे हनुमान मन्दिर अगाडिको घरकाे बरण्डामा बिहीबार साँझ अन्दाजी ५५ वर्षिय पुरुष मृत अवस्थामा भेटिएका हुन् ।मृतककाे परिचय भने खुल्न सकेकाे छैन ।
मधेसी मुलकाे जस्ताे देखिने ती व्याक्ति सर्ट र लुङ्गी लगाएकाे अवस्थामा मृत अवस्थामा भेटिएको प्रहरीले जनाएकाे छ । स्थानीयका अनुसार, घडीअर्वा टाेलमा केही दिन यता भीख मागेर हिड्दै गरेका थिए ।
बिहीबार साँझ मृत अवस्थामा भेटिएका ती व्याक्ती बारे स्थानीयले खबर गरेपछि प्रहरीले शव उठाएर पाेष्टमार्टमका लागि नारायणी अस्पतालमा पठाएकाे छ । शवकाे पाेष्टमार्टम रिपोर्ट आएपछि मात्रै मृत्युको कारण यकिन हुने भन्दै प्रहरीले उनकाे पहिचानका बारेमा पनि अनुसन्धान भइरहेको जनाएको छ ।