बारा । बारामा १३ वर्षिया एक बालिकालाई बलात्कार गरि फरार रहेका एक युवकलाई प्रहरीले पक्राउ गरेको छ । पक्राउ पर्नेमा बाराको आदर्श कोतवाल गाँउपालिका वडा नम्बर ३ घटनियाका २५ वर्षिय बिशोरी बैठा रहेका छन् । प्रहरीका अनुसार गत कार्तिक १६ गते राति साढे ९ बजेको समयमा बैठा र उनका साथीले शौचालय गर्न घर बाहिर निस्किएकी गाँउकै १३ वर्षिया बालिकालाई बलात्कार गरेका थिए ।

बलात्कारको घटनालगत्तै फरार रहेका बैठालाई काभ्रे जिल्लामा लुकिछिपी बसेको अवस्थामा यहि जेठ ५ गते पक्राउ गरिएको बाराका प्रहरी प्रवक्ता प्रहरी नायब उपरीक्षक पुरुषोत्तम पाण्डेले जानकारी दिए ।

काभ्रेबाट पक्राउ परेका बैठालाई जिल्ला प्रहरी कार्यालय बाराको हिरासतमा राखेर थप अनुसन्धान भइरहेको पाण्डले बताए । घटनामा संलग्न बैठाका साथी अझै पनि फरार रहेकाले उनको पनि खोजी भइरहेको पाण्डेले बताए ।