वीरगञ्ज । नेपालबाट भारत लैजादैँ गरेको मदिरासहित दुई जना भारतीय नागरिक पक्राउ परेका छन् । भारतको बिहार सितामढीका मोहम्मद नजाम र धिरेन्द्र पाण्डे पक्राउ परेका हुन् ।

हिजो बिहान करिब ४ बजे मनरासिस्वा नगरपालिका–१० मरवारी गाँउबाट भारततर्फ मोटरसाइकलमा १ लाख २ हजार ८ सय रुपैयाँ बराबरको दुई बोरा सौफी रक्सी लैजाँदै गरेको अवस्थामा उनीहरुलाई पक्राउ गरिएको महोत्तरीका प्रहरी प्रवक्ता प्रहरी नायब उपरीक्षक दिलीपकुमार गिरीले जानकारी दिनुभयो ।

यस्तै, बिहान करिब ७ बजे मनरासिस्वा नगरपालिका १० बाट भारततर्फ अवैध रुपमा लग्दै गरेको अवस्थामा १ लाख २२ हजार रुपैयाँ बराबरको सौफी रक्सी र मोटरसाइकल नियन्त्रणमा लिएको महोत्तरी प्रहरीले जनाएको छ ।