वीरगञ्ज । चितवन निर्वाचन क्षेत्र नम्बर २ मा सम्पन्न उपनिर्वाचनको मतगणना आज दिउँसो १ बजेदेखि सुरु हुने निर्णय भएको छ । सोमबार बिहान बसेको सर्वदलीय बैठकले क्षेत्रको मतगणना दिउँसो १ बजेदेखि सुरु गर्ने निर्णय गरेको हो ।
राष्ट्रिय स्वतन्त्र पार्टीका अध्यक्ष एवम् चितवन-२ बाट प्रतिनिधिसभा सदस्य उम्मेदवार रवी लामिछानेले निर्वाचन आचारसंहिता उलंघन गरेको आरोप लगाउँदै नेपाली कांग्रेस चितवनका सभापति राजेश्वर खनालले उनिसँग मागिएको स्पष्टिकरणको जवाफ नआएसम्म मत्गनानस सुरु हुनदिने अडान राखेका थिए । खनालकाअनुसार लामिछानेले प्रमुख जिल्ला अधिकारीकै संरक्षणमा आचारसंहिता उलंघन गरेका थिए ।
यद्दपी सर्वदलीय बैठकमा यस विषयमा समेत सहमति भएपछि मतगणनाको समय १ बजे दिउँसो तोकिएको बुझिएको छ । चितवन-२ मा ४३ स्थलका एक सय ३८ केन्द्रमा मतदान गरिएको हो । यसमा ७८ हजार २ सय ७७ मतदाताले मतदान गरेको प्रारम्भिक तथ्यांक रहेको छ । क्षेत्रमा १ लाख २४ हजार ६ सय ९५ जना मतदाता रहेका थिए । जसमध्ये ६३ हजार २ सय ९१ महिला, ६१ हजार ४ सय तीन पुरुष र एक जना तेस्रो लिङ्गी रहेका छन् ।