वीरगंज । वीरगन्ज महानगर पालिकाका मेयर राजेशमान सिंहले मस्तिष्क पक्षघात तथा सुस्त मनस्थितिका बालबालिकाको शिक्षा तथा उपचारको लागि वीरगन्ज महानगर पालिकाले हरेक प्रकारको सहयोग गर्ने बताएका छन् ।
आशा किरण केन्द्रद्वारा मंगलबार आयोजित एक कार्यक्रममा मेयरले मस्तिष्क पक्षघात तथा सुस्त मनस्थिति बालबालिकालाई केन्द्रमा राखी दिनभर हेरचाह र विभिन्न प्रकारले शिक्षा र सिकाउने कार्य गर्ने आशा किरणका कर्मचारी र सहयोगी संस्थाहरुले उच्च मानवीय कार्य गरेकोमा प्रशंसा पनि गरे । सुनिल गुप्ताको अध्यक्षतामा भएको कार्यक्रममा पर्साका प्रमुख जिल्ला अधिकारी हिरालाल रेग्मी , भारतीय महावाणिज्य दूतावास वीरगन्जका महावाणिज्यदूत नितेश कुमार र उद्योगी अशोक वैद्यले आशा किरण केन्द्रले मस्तिष्क पक्षघात तथा सुस्त मनस्थिति बालबालिकालाई खेलकुद,
शिक्षा र कसरत नियमित रुपमा गराएर समाजमा मानवीय कार्य गरेकोले खुशी व्यक्त गरे । केन्द्रका महासचिव राजन श्रीवास्तवले सहजीकरण गरेको कार्यक्रममा केन्द्र डा. अशोक दासले स्वागत मन्तव्य दिएका थिए । सिद्वार्थ स्कुलमा संचालित आशा किरण केन्द्रमा हाल ३१ जना मस्तिष्क पक्षघात तथा सुस्त मनस्थितिका बालबालिकाहरु रहेका छन् । मस्तिष्क पक्षघात तथा सुस्त मनस्थिति बालबालिकाहरुले विभिन्न प्रस्तुतिहरु प्रस्तुत गरेका थिए ।