बारा । बारा २ मा सत्तागठबन्धनका साझा उम्ममेदवार एंव जनता समाजवादी पार्टी (जसपा)का राष्ट्रिय अध्यक्ष उपेन्द्र यादवले लोकतन्त्र र संघीयतालाई कमजोर पार्नका लागि केही व्यक्तिहरुले जातीय कुराहरु उठाइरहेको आरोप लगाएका छन् । आइतबार गठबन्धनले देवताल गाउँपालिका वडा नंबर १ बडकी फुलवरीयामा आयोजना गरेको चुनावी घरदैलो तथा भेलालाई सम्बोधन गर्दै यादवले लोकतन्त्र र संघीयता विरोधीले जातियताको नारा उछालेको बताए । उनले अहिलेपनि केहि शासकले मधेसीलाई आपपसमा लडाएर आफ्नो रोटी सेक्न खाजेको आरोप पनि लगाए ।
उपनिर्वाचनको सन्दर्भमा आफुले विकास, समृद्धि र समावेशीताको मुद्धा उठाएर जनताको माझमा जादा त्यसबाट अत्तालिएका विपक्षीहरुले अब जातको कुरा उचालेर जनतालाई दिगभ्रमति पार्न खोजजेको यादवको भनाई थियो । यसले मधेसलाई थप कमजोर बनाउने र प्राप्त भएका उपलब्धिहरु समेत खोसिन सक्ने खतरा रहेको यादवले तर्क गरे । अहिलेको मूल आवश्यकता प्राप्त भएका उपलब्धिहरुलाई जोगाउदै बाँकी रहेका अधिकारहरु प्राप्त गर्नको लागि एकबद्ध भएर लड्नु पर्नेमा उनले जोड दिए । गठबन्धनका साझा उमेदवार यादवले आईतबार देवताल गाउँपालिका अन्तर्गत पर्ने बडकी फुलवरीया, अमवा, झिटकैया, कटहरिया, पिप्राढी लगायतका टोलहरुमा घरदैलो, जनता दर्शन तथा चुनावी कार्यक्रम सम्पन्न गरेका छन् ।
कार्यक्रमलाई सम्बोधन गर्दै गठबन्धन दलका अन्य नेताहरुले लोकतन्त्रमा सबैलाई आफ्नो कुरा राख्ने अधिकार रहेको भएपनि बहुरुपियाहरुलाई बाराका जनताले पहिचान गरिसकेको कारण मधेस र मधेसीलाई अन्तराष्ट्रिय स्तरमै पहिचान दिलाउन सफल नेता उपेन्द्र यादवलाई बाराका जनताले जिताएर प्रतिनिधि सभामा पठाउने बताए । कार्यक्रममा सांसद प्रदिप यादव, पूर्व मुख्यमन्त्री लालबाबु राउत, पूर्व सांसद रामबाबु यादव, पूर्व प्रदेशसभा सदस्य पारस साह, रामकिशोर यादव, रोशन यादव, आत्माराम साह, रामकान्त यादव, अरुण सिंह लगायतको पनि सहभागीता रहेको थियो ।
