पर्सा । नेपाली सेनाले चलाएको निशुल्क स्वास्थ्य शिविरमा उपचार गराइ औषधी लिएर फर्कदै गरेका ८० वर्षिय बृद्ध दुखी हजरा दुसादले भने,‘ पहिले सेना बन्दुक बोकेर गाँउमा आउँथे , तर आज डाक्टर र दवाई ( औषधी ) बोकेर पो आएछन् , सेना त साच्चै हामी जनताको लागि पो रहेछन् । डेढ महिना देखि घुडाँ दुखेर हैरानी खेपिरहेपनि आर्थिक अभावका कारण शहरको अस्पतालमा उपचार गराउनबाट असमर्थ दुसादले भने,‘ गाँउमै सेनाले शिविर लगाइदिदाँ म गरिब बुढोका लागि सेना भगवान जस्तै लागे , डाक्टरसाबले राम्ररी चेकजाँच गरिदिए अनि दवाइ पनि दिए । पर्साको सखुवाप्रसौनी गाँउपालिका वडा नम्बर २ श्रीपुरका बृद्ध दुसादको जस्तै औराहाकी ५६ वर्षिया मालती देवी थरुइन्को प्रतिक्रिया पनि उस्तै छ । शिवीरमा उपचार गराएकी थरुइन्ले भनिन्,‘ माओवादीको लडाँइका बेला गाँउमा सेना आउने बित्तिक्कै डरले सबै घरमा लुकिहाल्थे , तर आज सेनाले बिना पैसाको इलाज गरिदिदाँ बल्ल थाहा भयो सेना त हाम्रै लागि पो रहेछन् । पर्साको सखुवाप्रसौनी गाँउपालिका वडा नम्बर २ श्रीपुरपन्चगावामा शनिबार नेपाली सेनाको श्रीजंग गणले निशुल्क स्वास्थ्य शिविर आयोजना गरि करिब २ हजार जना स्थानीयको निशुल्क उपचार गरि औषधी पनि वितरण गरेको छ ।शनिबार दिनभर चलेको उक्त स्वास्थ्य शिविरमा सखुवाप्रसौनी र पटेर्वा सुगौली गाँउपालिकाका साथै त्यस आसपासका गरि १० भन्दा बढि गाँउका स्थानीयले निशुल्क उपचार पाएका छन् ।

उक्त शिविरमा सबै रोगका बिरामीको स्वास्थ्य परिक्षण र ल्याब टेष्ट समेत गरि निशुल्क औषधी वितरण गरिएको थियो । शिवीरबाट महिला र पुरुष गरि १ हजार १ सय ५० जना लाभान्वित भएको नेपाली सेनाका उपरथी प्रेमध्वज अधिकारीले जानकारी दिए । शनिबार शिविरस्थलमै पुगेका अधिकारीलले खासगरि गरिबीका कारण सदरमुकाम वीरगन्जका सुविधासम्पन्न अस्पतालमा उपचार गराउनका लागि जान असमर्थ समुदायलाई लक्षित गरि सेनाले श्रीपुर पन्चगावामा बृहत निशुल्क स्वास्थ्य शिविरिको आयोजना गरेको बताए । उनले भने,‘ खर्चको अभावमा शहरका अस्पतालमा जान नसकि उपचार नपाएका गाँउका गरिब दिनदुखीहरुलाई मुख्य लक्षित गरि सेनाले यो शिविर चलाएको हो , शिविरमा गाँउलेहरु लाभान्वित भएको देख्दा मलाई खुशी लाग्यो ।विगतको कुनै कालखण्डमा सेना र जनता बिचको दुरी बढेपनि अहिले भने परिस्थिती फेरिदैं गएको उनले बताए । सेना र जनता बिचको सामिप्यता बढाउने उदेश्यले पनि सेनाले गाँउमा शिविरको आयोजना गरेको अधिकारीले बताए । उनले भने,‘ नेपाली सेना राष्ट्रिय सेना हो , जनताको सेवामा अहोरात्र खटि रहेको छ , अझैपनि सेना प्रति कतै कतै जनताको अविश्वास देखिन्छ , त्यसलाई मेट्न र जनतासंग अझ कसरी नजिक हुने प्रयासमा हामी लागि रहेका छौं , त्यहि उदेश्यले यो शिविर आयोजना गरेका हौं । उनले जनतासंग घुलमिल भएर सेना र जनता बिचको सम्बन्ध अझ सुमधुर बनाउने उदेश्यले नै पछिल्ला दिनमा सेनाले सामाजिक सेवाका गतिविधी सन्चालन गरिरहेको बताए ।

यसअघि मध्यपूर्व पृतना हेड क्वाटरको निर्देशनमा सेनाका विभिन्न गणले महोतरी, रामेछाप र दोलखामा पनि यस्तै स्वास्थ्य शिविर आयोजना गरिसकेको र यस कार्यलाई अरु जिल्लामा पनि निरन्तरता दिने उनले बताए । शनिबार सेनाले शिविर आयोजना गरेको स्वास्थ्य शिविर स्थलमा पुगेका सखुवा प्रसौनी गाँउपालिकाका अध्यक्ष यशवन्त यादवले पनि सेनाको यस्ता सामाजिक गतिविधीले जनता र सेना बिचको सम्बन्धलाइ सुमधुर बनाउदै जाने प्रतिक्रिया दिए । यादवले भने,‘ एक त हाम्रो पालिका शहर भन्दा निक्कै टाढा छ , जसका कारण खासगरि गरिब विपन्न र दलितलाई उपचारका लागि शहर जानै मुश्किल हुन्छ , ती समुदायलाई सेनाको यो शिविरले धेरै राहत दिएको छ । विगतमा भएको माओवादी द्वन्द्धका कारण सेना र जनता बिच बढेको दूरीलाइ सेनाको यस्तो सामाजिक कार्यले भने घटाउदै जाने विश्वास आफुले लिएको उनले बताए । यादवले भने,‘ सेनाका यस्ता सामाजिक कार्य गाँउ गाँउमा भइरहनुपर्छ , यसले सेना र जनताबिचको सम्बन्धलाई सुमधुर बनाउन सहयोग पुरयाउछ । शनिबार सेनाले आयोजना गरेको स्वास्थ्य शिविरमा सखुवा प्रसौनी गाँउपालिका, नेपाल मेडिकल एशोसियसन, केडियाँ आँखा अस्पताल , प्रभु हस्पिटल , श्रीराम हस्पिटल , शान्ति क्लिनिक र नेपाल औषधी कर्मचारी संघले पनि सहयोग गरेको थियो । शीवीरमा ठाक्टर नीरज सिंह, डाक्टर मनोज गुप्ता , डाक्टर लक्ष्मी थापा , डाक्टर प्रिति यादव , कर्णेल डायमण्ड कार्की , सामाजिक अभियन्ताहरु प्रकाश थारु , दिलिपराज कार्की , कमल चौगाई लगायतले पनि सहजीकरण गरेका थिए ।