पर्सा । राजन कुमार बानिया । प्रहरी प्रशासनकै मिलेमतोमा भिस्वा र बुडगाई नाका बाट तस्करी भइरहेको छ। सङ्गठनले दिएको जिम्मेवारीलाई प्रहरी चौकी भिस्वाका इन्चार्ज सन्तोष केसी र प्रहरी चौकी बुडगाईका इन्चार्ज हरेन्द्र साहले अवैध कारोबार गर्नेहरूसँग साँठगाँठ गरी आर्थिक लाभ लिई तस्करी सुरु गरेको पाइएको छ। पर्साको पश्चिमी दक्षिणी भेगमा पर्ने भारतीय प्रसिद्ध बजार सिकटा संँग जोडिएको भिस्वा बुडगाई सिमानाकाबाट नेपालतर्फ खाने तेल, चिनी, मिठा गुड, गहुँ ,बरान्ड, लगायतका खाद्यान्न, बाइलर कुखुरा, भैंसी राँगा, भारतीय ब्रान्डका रजनीगन्धा, गुट्खा जस्ता सुर्तीजन्य पदार्थ र लत्ताकपडा राजस्व छलेर दैनिक भित्र्याउने गरेको खुलेको छ ।

यस्तै जुत्ता चप्पल, हार्डवेयर, इलेकट्रोनिक पार्टस, मोटर पार्टस, स्पेयर पार्टस्, भाँडाकुँडा , कस्मेटिक तथा खेलकुदल लगायतका सामग्रीहरू , मोटरसाइकल, साइकलकाको माध्यमबाट लाखौँ लाख राजस्व छलेर दैनिक लाखौँ र मासिक करोडौँ मूल्य बराबरको अवैध कारोबार खुलेआम भइरहेको छ । यसै गरी छिपहरमाई-५ भिस्वाबाट दैनिक रूपमा चल्ने (नाइट) रात्रि बसमा भन्सार छलीका भारतीय कपडा र बच्चाहरू पिउने पाउडर दूध प्रहरीकै मिलेमतोमा तस्करहरूले बसमा हालेर काठमाडौँ, पोखरामा पठाउने गरेका छन् भने बिहार सरकारले मदिरा उत्पादन तथा बिक्रीबितरणमा रोक लगाएका कारण नेपालबाट भारततर्फ घरेलु मदिरा र सिल प्याक मदिराको पनि तस्करी भइरहेको छ ।

प्रहरी प्रशासन मिलेपछि यहाँ जे पनि सिमानाकाबाट वारपार गर्न सम्भव छ । प्रहरी प्रशासनले देखावटी रूपमा केही मात्रामा चोरी पैठारी गरी ल्याइएको समान पक्राउ गरे पनि पर्साको भिस्वा र बुडगाई सिमानाकामा प्रहरीको आँखा अगाडिबाटै भन्सार छली गरी व्यापक रूपमा तस्करी भइरहेको छ । प्रहरीसँगको सेटिङमा यस क्षेत्रका सयौँ व्यक्तिले अहिले तस्करीलाई आफ्नो व्यवसाय बनाएका छन् । तस्करहरूले प्रहरी चौकी भिस्वाका प्रमुख वरिष्ठ सई सन्तोष केसी र प्रहरी चौकी बुडगाईका असइ हरेन्द्र साहलाई तस्करहरूले मोटो रकम दिई महिनावारीकै रूपमा घुसबापतको अवैध रकम तिरी भिस्वा र बुडगाई नाकामा स्थानियहरुका अनुसार साझ परेपछि तस्करहरुको नाकामा चहलपहल बढने गरेको र रात भरी, बिहान सम्म अवैध माल समान ओसार पोसार हुने गरेको बताउछन । तस्करलाई संरक्षण गरी प्रहरीले सो नाकालाई कमाई खाने भाडोको रुपमा प्रयोग गरिरहेका छन । यस तर्फ प्रहरी प्रशासन का सम्बन्धित उचनिकायको ध्यान जान अति आवश्यक देखिएको छ।