वीरगन्ज । प्रहरी चौकी धोरेका असई मनोज कुमार दासले आफ्नो बल र पावरको दुरुपयोग गर्दै अभियुक्त भगाएको खुलेको छ । पटक पटक विभिन्न विवादहरुमा मुछिएका असई दासले मंगलबार राति १० बजे अप्रहन तथा शरीर बन्धक मुदाका फरार अभियुक्त पकाहामैनपुर गाउँपालिका वडा नं १ बस्ने हरिश्चन्द्र यादवलाई बल र पावरको दुरुपयोग गर्दै भगाएका हुन् ।

असई दासलाई पटक पटक स्थानियहरुले जानकारी गराउँदा समेत अटेरी गरी असई दासले उनलाई आफ्नै निगरानीमा राखेर घरबाट भगाएको स्थानिय एक युवाले हामीलाई जानकरी गराए।

राति अबेरसम्म इलाका प्रहरी कार्यालय पोखरीयाबाट आएको प्रहरीले यादवको खोजी गरे पनि पक्राउ गर्न सकेको छैन।

यादवसमेत रहेका ५ जनाले एक नेपाली नागरिकलाई अप्रहन् गरी भारतको मुझपरपुरमा राखी पीडितको साथी र परिवारसंग फिरौती बापत ३ लाख रुपैयाँ लिएका थिए ।

समानित पर्सा जिल्ला अदालतले उनीविरुद्ध पक्राउ पुर्जी जारी गरेको थियो । पक्राउ गर्न नसकेपछि प्रहरीले फरार अभियुक्तका रूपमा मुद्दा दायर गरेको थियो ।

यादवलाई पक्राउ गर्न लागि परेको र तुरुन्तै पक्राउ गरिने जिल्ला प्रहरी कार्यालय पर्साले जनाएको छ । यो मुद्दामा हरिश्चन्द्र यादवको भतिजो आदित्य कुमार यादवलाई प्रहरीले पक्राउ गरिसकेको छ ।

पर्सा प्रहरीको हिरासतमा रहेका आदित्य कुमार यादवलाई छुटाउन दलाल तथा बिचौलियाहरु लागि परेको तथा सो मुदा सम्बन्धी दैनिक दलालहरु जिल्ला प्रहरी कार्यालय पर्सामा दौडधूप गरिरहेको श्रोतकोले जनाएको छ ।

यता प्रहरी चौकी धोरेका असई दाससँग बुझ्न खोज्दा राति घरमा जाँदा यादव नरहेको तथा उहाँलाई भगाउन हामीले कुनै सहयोग नगरेको जिकिर गरे ।