सर्लाही । सर्लाही प्रहरीले प्रतिबन्धित लागूऔषधसहित एक जना शिक्षकलाई नियन्त्रणमा लिएको छ । जिल्लाको ईश्वरपुर नगरपालिका–१५ स्थित राजदेवी बोर्डिङ स्कुलका शिक्षक राजा हुसेनलाई लागूऔषध र फलामको फाइटरसहित विद्यालय हाताभित्रबाट पक्राउ गरिएको छ ।

विद्यालयमा कार्यरत्त अर्का शिक्षकसँग विवाद सुरु भएपछि पुगेको प्रहरी टोलीले उनको साथबाट लागूऔषधको रुपमा रहेको नाइट्राभेट ट्याब्लेट १२ थान र पन्च हान्न बनाइएको फलामको फाइटर १ थान र कागजमा लुकाएर राखेको गाँजाको पुरिया १ थानसहित हुसेनलाई नियन्त्रणमा लिइएको प्रहरी उपरीक्षक नरेशराज सुवेदीले जानकारी दिए ।

पक्राउ परेका शिक्षकलाई थप अनुसन्धानका लागि इलाका प्रहरी कार्यालय केशरगंजमा राखिएको छ ।