रौतहट । कुमार चन्दन । राैतहटको गरुडा नगरपालिकाले मागे जतिको सुचना उपलब्ध गराएपछि दिपक यादवले आमरणअनसन तोडेका छन । विभिन्न शिर्षकमा अनियमितता भएको आरोप लगाउदै आवश्यक कागजातहरुको मागलाई बेवास्ता गरेपछि विगत एक साता देखि आमरण अनसनमा बसेका दिपक यादवले अनसन तोडेका छन् ।बंशिराम अनाथालयका सञ्चालक बंशिराम जयसबाल र प्रमुख प्रशासकीय अधिकृत भुदेव झाकाे हातबाट जुस खाई एक हप्ताको लामो अनसन ताेडेका छन । गएको स्थानीय तहको चुनावमा लोकतान्त्रिक समाजवादी पार्टी लोसपाको तर्फबाट नगर प्रमुखका प्रत्यासी दिपक यादवले माग गरेको सबै सुचना गरुडा नगरपालिकाले पुरा गरेपछि प्रमुख प्रशासकीय अधिकृत भुदेव झाले उपलब्ध गराई दिएपछि अनसन तोडन सहमत भएका थिए ।
नगर प्रमुख प्रत्याशी यादव नगरपालिका बाट आफुले पाउनु पर्ने विभिन्न सुचना नपाएको भन्दै नगरपालिका अगाडि एक साता देखि आमरण अनशनमा बसेका थिए। अनसन बसेकाे दिन देखि नै गरुडाको वातावरण असहज वन्दै गएको थियो । यस अवधिमा नगरप्रमुख कन्थमणि प्रसाद कलवार सहित स्थानिय जनप्रतिनिधि तथा प्रमुख जिल्ला अधिकारी धर्मेन्द्र कुमार मिश्रले दिपक यादवको स्वास्थ्यको ख्याल गर्दै आमरण अनसन ताेडन आग्रह गरेका थिए । आफनो मागबाट अलिकति टसमस नभएपछि अनसनको ८ औं दिन गरुडा नगरपालिकाले सुचना उपलब्ध गराएका छन । प्रमुख प्रशासकीय अधिकृत झाले सबै सुचना दिएको दावी गरेका छन । आमरण अनसन ताेडेका दिपक यादवले बैंक स्टेटमेन्ट बाहेकका सुचना मात्र पाएको बताए ।
एक साता भित्रमा गरुडाका स्थानिय प्रहरी र अनसन बसेका यादवका समर्थक बिच पटक पटक झडप ,यातायात अबरुद्ध पार्ने लगाएतका गतिविधि भएका थिए । सोही क्रममा शनिवार दिपक यादवको समर्थकहरुले गौर चन्द्रपुर सडक खण्डलाई अवरोध गर्न खोज्दा प्रहरीले पाँच राउण्ड टियर ग्यास प्रहार गरेर बाटो अवरुद्ध गर्नबाट रोकेका थिए । १२ बुन्दामा सार्वजनिक सुनुवाई चैत्र ३० गते हुने, ११ बुन्दामा नगरपालिकाको सबै बैंक खाताको स्टेटमेन्ट जुन भर्खरै अनसन ताेडेका यादवले अझै पाउन बाकी रहेको बताए । १० बुन्दा अनुसार सुचना पाएको यादवले स्पष्ट पारेका छन ।
