वीरगञ्ज । बारा जिल्लामा स्कूल बसले ठक्कर दिँदा एकजना बालकको मृत्यु भएको छ । जिल्लाको सदरमुकाम कलैयामा शुक्रबार बिहान वीरगञ्जबाट सञ्चालित गुरुकूल एकेडमीको बसले ठक्कर दिँदा तिन वर्षीय बालकको मृत्यु भएको हो ।
बारा प्रहरीका अनुसार मृत्यु हुनेमा कलैया उपमहानगरपालिका वडा नम्बर १ मोतीबाग निवासी विनोद साह सोनारका छोरा तीन वर्षीय कार्तिक साह सोनार रहेका छन् ।
गुरुकूल एकेडमीको ना २ ख ४२१० नम्बरको बसले मोतीबागमै बिहान ठक्कर दिँदा बालकको घटनास्थलमै मृत्यु भएको बारा प्रहरीका प्रवक्ता एवम् प्रहरी नायव उपरीक्षक (डिएसपी) पुरुषोत्तम पाण्डेले जानकारी दिए । ठक्कर दिने बस र त्यसका चालकलाई प्रहरीले नियन्त्रणमा लिएर कारवाही अगाडि बढाएको छ ।