सप्तरी । सप्तरीमा एक महिलाले आत्महत्या गरेकी छिन् । मंगलबार सप्तरीको राजबिराज नगरपालिका ७ खर्साल टोल बस्ने देव कुमार यादवको ४२ वर्षीया श्रीमती सिमा यादवले डिप्रेसनको कारण मुसा मार्ने कमाण्डो नामक विषादी सेवन गरि आत्महत्या गरेको जिल्ला प्रहरी कार्यालय सप्तरीले जनाएको छ ।

महिलालाई छिन्नमस्ता अस्पताल राजबिराज सप्तरीमा समान्य उपचार पश्चात थप उपचारको लागि बिराट मेडिकल कलेज बिराटनगर लगिएकोमा आज बिहान डाक्टरले इसिजी चेकजाँच गर्दा मृत घोषणा गरेको प्रवक्ता प्रहरी नायब उपरीक्षक नरेशकुमार सिंहले जानकारी दिए ।

यस घटनावारे थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।