सप्तरी । सप्तरीमा मोटरसाइकल दुर्घटना हुँदा एकजनाको मृत्यु भएको छ । हुलाकी सडक खण्ड अन्तर्गत बोदेबर्साईन नगरपालिका –५ बर्साईनटोल नजिक पश्चिम बाट पुर्व तर्फ आउदै गरेको बी.आर.३२ वाई ६०५७ नम्बरको मोटरसाइकल आफै आनियन्त्रित भएर रोडको छेउमा गाडिएको सांकेतिक पोलमा ठोकिएर दुर्घटना भएको हो ।

दुर्घटनामा मोटरसाइकल चालक सप्तरीको बलान बिहुल गाउपालिका वडा न. ४ वेल्ही वस्ने ५५ बर्षिय विशो मण्डलको मृत्युु भएको प्रहरीले जनाएको छ ।दुर्घटनामा गम्भीर घाइते मण्डलको तत्काल जिवन ज्योति अस्पताल बोदेबर्साईनमा उपचारको लागि लग्दा चिकित्सकले मृत घोषणा गरेको जिल्ला प्रहरी कार्यालय सप्तरीले जनाएको छ ।

सोही मोटरसाइकलमा पछाडि सवार १८ बर्षिय कमलेश कुमार शर्मा घाइते भएका छन् । घटना विषयमा थप अनुसन्धान भइरहेको सप्तरीका प्रहरी प्रवक्ता डिएसपी नरेश कुमार सिंहले जानकारी दिए ।