बारा । रामनिवास पटेल । बारामा बसको ठक्करबाट एक जनाको मृत्यु भएको छ । बारा जिल्लाको निजगढ नगरपालिका– ८ बस्ने ५० वर्षीय मजिद मियाको मृत्यु भएको प्रहरीले जनाएको छ ।

वीरगञ्जबाट विराटनगरतर्फ जाँदै गरेको को १ ख ५७०० को बसले ब्याक गर्ने क्रममा आइतबार बुद्धचोकमा मियालाई ठक्कर दिएको थियो ।

मियालाई सिटी अस्पतालमा प्राथमिक उपचारपछि थप उपचारको लागि गण्डक हेल्थकेयर अस्पताल वीरगञ्जमा पठाइएकोमा मृत्यु भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक पुरुषोत्तमप्रसाद पाण्डेले बताए । गण्डक अस्पतालमा उपचार गर्न नपाउँदै उनको मृत्यु भएको प्रहरीले जनाएको छ । बस चालकलाई ईलाका प्रहरी कार्यालय निजगढमा राखिएको छ ।