चीनको ‘जासुसी बेलुन’ लाई अमेरिकी एफ–२२ लडाकु विमानले दक्षिण क्यारोलाइना एटलान्टिक तटको नजिकै खसालेपछि अमेरिकाका राष्ट्रपति जो बाइडेनले पाइलटलाई बधाई दिएका छन् ।
यसअघि एफ–२२ लडाकु विमानका पाइलटले एक AIM-9X साइडविन्डर मिसाइलबाट यो बेलुनलाई निशाना बनाइएको थियो ।
यस्तै, बाइडेन प्रशासनका एक अधिकारीले समाचार एजेन्सी रोयटर्ससँगको कुराकानीमा यो बेलुन खसालेपछि अमेरिकाले सिधै चीनसँग कुरा गरेको छ ।
बेलुन खसाल्ने आदेश राष्ट्रपति जो बाइडेनको आदेशमा गरिएको हो । पछि एक सैन्य अधिकारीले यो बेलुन खसालेको प्रक्रियाबारे पत्रकारलाई जानकारी दिए ।
अमेरिकी रक्षा मन्त्रालयले दिएको जानकारी अनुसार बेलुन खसालेपछि यसले मानिसलाई कुनै पनि खालको समस्या नदिओस् भनेर यसलाई समुद्र माथि पुग्ने बेलासम्म प्रतीक्षा गरियो ।
अमेरिकी सेना अब समुद्रमा छरिएको बेलुनका टुक्राहरू खोजिरहेको छ । यी टुक्राहरू समुद्रमा करिब ११ किलोमिटरसम्म फैलिएको छ ।
