गोरखाको धार्चेबाट एक जना सुत्केरीको हेलिकप्टरमार्फत उद्धार गरिएको छ । धार्चे गाउँपालिकाकी १९ वर्षीया कान्छी गुरुङलाई हेलिकप्टरमार्फत उद्धार गरी काठमाडौं पठाइएको हो ।

उनलाई त्यहाँ नजिकै भएको स्वस्थ्य कार्यलय केरौजामा ल्याइएकाे थियाे ।त्यहाँ उपचार हुन नसक्दा हेलिकोप्टरमार्फत उद्धार गरिएको हाे ।

सो क्षेत्रका सांसद राजेन्द्र बजगाइँको समन्वयमा राष्ट्रपति महिला उत्थान कार्यक्रम अन्तरगतको हवाइ सेवाबाट खर्च व्यहोर्ने गरी हेलीकप्टरमार्फत उद्धार गरिएको हो।

जिल्लामा उपचार हुन नसकेको र गम्भीर स्वास्थ्य समस्या निम्तिने खतरा देखिएको भन्दै काठमाडौं पठाइएको सांसद बजगाइँ जानकारी दिए ।