सन् २०२२ मा, विश्वका सबै अर्बपतिहरूमध्ये सबैभन्दा बढी कमाउने भारतीय उद्योगपति गौतम अडानीका लागि नयाँ वर्ष २०२३ को पहिलो महिनामा नै हानिकारक सावित भएको छ।

अमेरिकी अनुसन्धान फर्मको एक रिपोर्ट सनार्वजनिक भएपछि उनको सम्पत्तिमा अहिलेसम्मकै सबैभन्दा ठूलो गिरावट आएको छ ।अमेरिकी अनुसन्धान फर्म हिन्डनबर्गको प्रतिवेदनबाट भारतीय उद्योगपति गौतम अडानी वेल्थको साम्राज्यमा देखिएको उथलपुथल रोकिने नाम लिइरहेको छैन । यसले उनको नेटवर्थलाई प्रत्यक्ष असर गरिरहेको छ ।

२०२३ जनवरी २४ मा यो प्रतिवेदन सार्वजनिक भएपछि उनको कम्पनीको शेयरमा सुनामी आइरहेको छ। एसियाका सबैभन्दा धनी व्यक्ति तथा अदानी समूहका अध्यक्ष गौतम अडानी लामो समयदेखि शीर्ष १० अर्बपतिको सूचीमा चौथो स्थानमा थिए तर अहिले उनी १० धनी व्यक्तिहरुको सूचीबाट बाहिरिएका छन् ।

आर्थिक क्षेत्रको सञ्चारमाध्यम ब्लूमबर्ग म्यागजिनका अनुसार अडानी ११ औं स्थानमा पुगेका छन् । उक्त सूचीलाई मंगलबार नै अपडेट गरिएको हो ।

अमेरिकी वित्तीय फर्म हिडनबर्ग रिचर्सको रिपोर्ट सार्वजनिक भएपश्चात निरन्तर ओरालो लागेको अडानीको सम्पत्तिमा असर परिरहेको छ । अडानी र अडानीको व्यापारिक समूहसँग सम्बन्धित कम्पनीहरुको सेयर मूल्यमा निरन्तर गिरावट आउँदा यसले अडानीलाई संसारकै धनीहरुको सूचीबाट तल झारेको छ ।

रिपोर्टले प्रत्यक्ष रुपमा अडानीको निजी सम्पत्तिमाथि पनि प्रभाव पारिरहेको छ । पछिल्ला केही दिनमा संसारका सबैभन्दा शीर्ष धनी व्यक्तिहरुमध्ये रहेका अडानी निरन्तर यो सूचीमा तल झरिरहेका छन् ।

अडानी हिडनबर्ग रिपोर्ट सार्वजनिक हुनुभन्दा अघि संसारकै तेस्रो धनी व्यक्तिका रुपमा फोर्ब्स म्यागजिनको लिस्टमा थिए । गत शुक्रबार तेस्रो स्थानमा रहेका उनी रिपोर्ट सार्वजनिक भएपश्चात निरन्तर आरोलो झरिरहेका छन् । अहिले फोर्ब्सको सूचीमा उनी सातौं स्थानमा रहेका छन् ।

२४ जनवरीमा हिडनबर्ग रिपोर्ट सार्वजनिक भएपश्चात अडानीले ६५ अर्ब डलर नोक्सान व्यहोरेका छन् । तर अडानी समूहले उक्त रिपोर्ट गलत भएको बताइरहेको छ ।

हिन्डनबर्ग रिपोर्ट आउनु अघि, गौतम अडानी करिब १२१ बिलियन डलरको कुल सम्पत्तिको साथ शीर्ष १० अर्बपतिहरूको सूचीमा चौथो नम्बरमा थिए।

उक्त रिर्पोट सार्वजनिक पछि अदानी समूह (अदानी फर्म्स) को कम्पनीहरुमा तीव्र गिरावट सुरु भएको र भोलिपल्टैको दुई दिनमै अदानीको नेटवर्थबाट २६ अर्ब डलरभन्दा बढीको गिरावट भएको छ ।

सम्पत्तिमा गिरावटको सबैभन्दा खराब चरणको साक्षी रहेका ६० वर्षीय उद्योगपति चौथो नम्बरबाट १० धनाढ्यको सूचीबाट बाहिरिएका छैनन्, एकै दिनमा सबैभन्दा बढी सम्पत्ति गुमाउने अर्बपति पनि बनेका छन् ।