शहिद स्मारक ए डिभिजन लिग च्याम्पियन मछिन्द्र फुटबल क्लवले अविशेक गुरुङसँगको सम्झौता नविकरण गरेको छ ।
मछिन्द्र क्लवले सामाजिक सञ्जालमार्फत अविशेकसँग सम्झौता नविकरणको जानकारी गराएको हो ।
एन्फाले शहिद स्मारका ए डिभिजनको मिति र टाइसिट यसअघि नै सार्वजनिक गरि सकेको छ ।
यस सिजनको ए डिभिजन लिग फाल्गुन १९ गतेबाट हुँदैछ । मछिन्द्रले लिगको पहिलो खेल फाल्गुन २१ मा जावलाखेल युथ क्लवसँग खेल्दैछ ।
गत वर्षको लिग विजेता मछिन्द्रले राष्ट्रिय टोलीका खेलाडी देवेन्द्र तामाङ, विमल र्घिमगर र सुजल श्रेष्ठसँग सम्झौता नविकरण गरेको थियो भने सौरभ लिम्बु, पुजन उपरकोटी, निसेन सुब्बा र प्रशान्त अवस्थीलाई आगामी लिगका लागि अनुबन्ध गरेको थियो ।
