काठमाडौं । ललितपुरको जावलाखेलमा सोमबार गरिएको विशेष चेकिङमा १३ वटा सवारी साधनका चालक कारबाहीमा परेका छन्।

मापदण्डभन्दा बढी धुँवा फाल्ने पिकअप भ्यान ७,भाडाको बस २ र माइक्रो हाइस चारवटा गरी १३ सवारी साधन कारवाहीमा परेका काठमाडौं उपत्यका ट्राफिक प्रहरी कार्यालय रामशाहपथका प्रवक्ता एवम् प्रहरी वरिष्ठ उपरीक्षक राजेन्द्रप्रसाद भट्टले जानकारी दिए।

वातावरण विभाग र काठमाडौँ उपत्यका ट्राफिक प्रहरी कार्यालयबाट संयुक्त रूपमा खटिएको टोलीले जावलाखेलमा ४१ वटा सवारी साधनको चेक गरेको थियो। सवारी साधन मर्मतपश्चात् तोकिएको जरिवाना तिरी ट्राफिक प्रहरीले नियन्त्रणम लिएका कागजपत्र फिर्ता दिइने ट्राफिक प्रहरीले जनाएको छ।