वीरगंज । जिल्ला प्रहरी कार्यालय पर्साले चोरीको मोटरसाइकलसहित १ जनालाई नियन्त्रणमा लिएको छ । वीरगञ्ज महानगरपालिका वडा नम्बर १२ स्थित सडकखण्डबाट जिल्ला प्हरी कार्यालय पर्सा र मातहतका कार्यालयबाट खटिएको प्रहरीको टोलीले चोरीको मोटरसाइकलसहित १ जनालाई नियन्त्रणमा लिएको हो ।

रौतहटको वृन्दावन नगरपालिका वडा नम्बर १ घर भई हाल वीरगञ्ज महानगरपालिका वडा नम्बर १२ बस्ने ३६ वर्षीय अजय कुमार यादवको नाममा दर्ता रहेको प्र.२–०३–०१२ प २६३८ नम्बरको खैरो रंगको ३ सय ५० सिसीको बुलेट मोटरसाइकल नियन्त्रणमा लिइएको पर्साका प्रमुख प्रहरी उपरीक्षक कोमल बिक्रम शाहले जानकारी दिए ।

गिरीका अनुसार पार्किंग गरी राखिएको उक्त मोटरसाइकल बाराको कोल्वी नगरपालिका वडा नम्बर ७ निवासी २० वर्षीय भुवन चौधरीले लक तोडी चोरेर लैजाादै गरेको अवस्थामा स्थानीयले होहल्ला गरेपछि प्रहरीले नियन्त्रणमा लिएको हो । मोटरसाइकल चोर चौधरी विरुद्ध चोरी सम्बन्धी कसूरमा आवश्यक अनुसन्धान भइरहेको शाहले जानकारी दिए ।