पर्सा । पर्साको बहुदरमाई नगरपालिका वडा नं-४ मा निर्माणाधिन छठ घाटको भर्याङ ढल्दा च्यापिएर एक जना मदजुरको मृत्यु भएको छ । सो घटनामा दुई जना गम्भीर घाइते भएका छन् । छठ पुजाको लागि मधेश प्रदेश समाजिक मन्त्रालयबाट निर्माण भईरहेको भर्याङ ढलानको सेटिङ खोल्ने क्रममा दुर्घटना भएको स्थानियहरुले बताएका छन् । सो छठ घाटको निर्माण कार्य स्थानिय उपभोक्ता समितिबाट भइरहेको बहुरमाई नगरपालिकाका मेयर सिंगासन साह तेलीले बताए । जिल्ला प्रहरी कार्यालय पर्साका अनुसार भ¥याङ खस्दा तीन जना च्यापिएकोमा बहुदरमाई नगरपालिका वडा नं. ५ निवासी २१ बर्षिय राज मण्डलको मृत्यु भएको छ भने घाइते हुनेहरुमा बहुदरमाई नगरपालिका वडा नं.५ भौराटोल बस्ने २१ बर्षिय राजा मण्डल र बहुदरमाई नगरपालिका वडा नं.५ पटनी बस्ने ३५ बर्षिय अमर महतो रहेका छन् ।
घाइतेहरुको बीरगन्जको नारायणी अस्पतालमा जिल्ला प्रहरी कार्यालय पर्साले जनाएको छ । घटनाको थप अनुसन्धानको लागि ईलाका प्रहरी कार्यालय पोखरियाको प्रहरी निरिक्षक आयुष जोशीको टोलीलाई घटना स्थलमा पठाइएको जिल्ला प्रहरी कार्यालय पर्साका प्रवक्ता डिएसपी दिपक गिरीले बताए । स्थानिय उपभोक्ता समिति मार्फत कमिसनको खेलमा निर्माण भइरहेको सो छठ घाटको भ¥याङ खसेको भन्दै घटनाको सत्य तथ्य छानविन हुनु पर्ने तथा पिडित परिवारलाई उचित राहत उपलब्ध गराउनु पर्ने स्थानियहरुले माग गरेका छन् ।
बहुदरमाई नगरपालिकाका मेयर तेलीले काम कमसल भएको अथवा के कति कारणले भर्याङ झरेको हो भन्ने बिषयमा राम्ररी छानविन हुनु पर्ने तथा दोषीलाई कडा कारवाही गरिनु पर्ने बताए । मेयर तेलीले प्रदेश सरकारबाट निर्माण भइरहेको सो छठको भर्याङ वारे नगरपालिकासँग कुनै समन्वय नगरिएको तथा बीरगन्जमा रहेको कार्यालय मार्फत आफ्नो आसेपासेलाई उपभोक्ता समितिमा राखेर काम गराउन खोजिएको बताए । उनले प्रहरीले गर्ने अनुसन्धानमा नगरपालिकाले सक्दो सहयोग गर्ने तथा दोषीलाई कारवाही गराउन पहल गर्ने बताए । घटना स्थलमा पुगेका इलाका प्रहरी कार्यालय पोखरीयाका प्रहरी निरिक्षक आयुष जोशीले उपभोक्ता समितिका पदाधिकारीहरुलाई सम्पर्कमा ल्याउने प्रयास भइरहेको बताए ।
