वीरगंज । भारतबाट अबैध रुपमा नेपालमा ब्याट्री तथा ब्याट्री जन्य बस्तु भित्रिन थालेपछि आफुहरुको ब्यावसाय नै धराप परेको बीरगन्जका ब्याट्री व्यवसायीहरुले बताएका छन् । यसैक्रममा व्यवसायीहरुले चोरी तस्करीलाई निरुत्साहित गर्नु माग गर्दै पर्साका प्रमुख जिल्ला अधिकारीलाई ज्ञापन पत्र बुझाएका छन् । बीरगन्जबाट भारतको रक्सौल लगायतका सिमावर्ती बजारहरुमा जाने ई रिक्साहरुको प्रयोग गरी भन्सार छली गरी अबैध रुपमा ब्याट्री नेपाल आउने गरेको ज्ञापन पत्र उल्लेख रहेको छ । यसरी ब्याट्री अबैध तरिकाले नेपाली बजार आउँदा नेपाली ब्यवसायीहरको ब्यापार चौपट भएको तथा दैनिक लाखौ रुपैयाको राजस्व चुहावट भई सरकारलाई करोडौको घाटा भइरहेको व्यवसायीहरुको भनाई छ । बिगत लामो समय देखि ब्याट्रीको व्यवसाय गर्दै आएका कुन्दन रौनियारको नेतृत्वमा जिल्ला प्रशासन कार्यालय पर्सामा पुगेको व्यवसायीहरुको टोलीले पर्साका प्रमुख जिल्ला अधिकारी उमेश कुमार ढकाललाई ज्ञापन पत्र बुझाएका छन् ।

एक पटकमा सिमावर्ती बजारबाट ई रिक्सामा ५ बटा सम्म ब्याट्री तस्करी हुने गरेको व्यवसायीहरुले प्रजिअलाई जानकारी गराए । एउटा ब्याट्रीबाट सरकारलाई कम्तीमा ५ हजार सम्म राजस्व आउने गरेको भएपनि अनुगमन तथा व्यवहारिक नितिका कारण खुल्याम रुममा ब्याट्रीको तस्करीभई राजस्व छली हुने गरेको छ । एउटा ई रिक्साले रक्सौल बजारबाट मात्र दैनिक रुप दुई देखि तीन पटक सम्म यताबाट पुरानो ब्याट्री लिएर जानेको गरेको छ भने उताबाट फर्किता ४ देखि ५ वटा सम्म ब्याट्री परिवर्तन गरी नेपालमा अबैध तरिकाले भन्सार छली गरी ब्याट्री भित्रयाउने गरेका छन् । यो अवैध कारोवारमा बीरगन्जका दर्जनौ ई रिक्सा संचालकहरु सक्रिय रहेको व्यवसायीहरुको भनाई छ ।

भारतीय व्यापारीहरुले बीरगन्जमै अबैध तरिकाले ई रिक्साबाट ब्याट्री मगाउने गरेका छन् तथा भण्डार गरी नेपालको सिमरा,हेटौडा,नारायघाट लगायतका बजारमा बिनाबिल बिजक पु¥याउने गरेका छन् । ज्ञापन पत्र बुझदै पर्साका प्रजिअ ढकालले ब्यवसायीहरुको माग जायज भएको बताउदै ज्ञापन पत्र बारे माथिल्लो निकायलाई जानकारी गराई समस्या निधानका लागि पहल गर्ने बताए । रौनियारसँगै ज्ञापन पत्र बुझाउन राजु जैसवाल,रोहित शर्मा,रन्जित कुमार सिंह, संतोष रौनियार, ओमकारनाथ रौनियार र गड्डु सिंह लागयतका ब्याट्री व्यवसायीहरु जिल्ला प्रशासन कार्यालय पर्सामा पुगेका थिए । साभाल : नेपाल पोस्ट डेलि