वीरगंज । नेपाल विद्यार्थी संघ पर्साको पहलमा बीरगन्जमा एक विद्यार्थीलाई पूर्ण छात्रवृत्ति प्रदान गरिएको छ । बीरगन्ज महानगरपालिका वडा नं. १३ का सलमान अन्सारीलाई नेविसंघ पर्साले पहल गरेर पूर्ण छात्रवृत्ति दिलाएको हो ।

घरमा अचानक लागेको आगोले जिउ जलेर घाईते भएका सलमानको घरको आर्थिक अवस्था समेत अन्यन्त कमजोर रहेको कारणले नेपाल विद्यार्थी संघका सभापति रमेश कुमार यादवको नेतृत्वको विद्यार्थीको टोलीले बीरगन्ज महानगरपालिका वडा नं. १३ मा रहेका होली एन्जल्स माविमा पहल गरेर उनलाई पढाईको मासिक शुल्कमा पूर्ण छात्रवृत्ति दिलाएको हो ।

सो विद्यालयका प्रधानाध्यापक अरविन्द सिंहले हाल कक्षा १ मा अध्ययनरत अन्सारीलाई कक्षा १० सम्मको पढाई शुल्कमा पूर्ण रुपमा छात्रवृति प्रदान गरिएको पुष्टि गरे । उनले अन्सारी आगोमा जलेर घाईते भएको र उनको अभिभावकको आर्थिक अवस्थामा कमजोर भएका कारण विद्यालयले उनलाई छात्रवृति प्रदान गरेको बताए । नेविसंघ जिल्ला कार्यसमितिका अध्यक्ष रमेश यादवले बिपन्न तथा गरिब जेहनदार बिधार्थीहरु कुनै पनि बहानामा शिक्षाबाट बन्चित हुनु नपर्ने अवस्थाको सृजना गर्न हामी क्रियाशील रहेको बताए । साभाल : नेपाल पोस्ट डेलि